USACO December 2019

За бодлогын өгүүлбэрүүд ирсэн байна. Орчуулж эхэлсэн. Баттулга Энхбаяр дүү туслая гэсэн байгаа. Орчуулж дуусаад энд мэдэгдэе.

UPDATE: Монгол орчуулга орсон шүү. Амжилт хүсье

USACO 2019-2020

Тэмцээний тухай

USACO нь америкийн нэгдсэн улсын мэдээлэл зүйн олон улсын олимпиадын сорилго онлайнаар болдог цуврал тэмцээн юм. Тухайн жилийхээ хичээлийн жилийн турш болдог ба хавар нь "US Open" гэх манайхаар бол улсын олимпиад нь болж Олон улсад улсаа төлөөлж оролцох оролцогчидоо сонгож авдаг.
Энэ жилийн хувьд дараах хуваарийн дагуу болохнээ:

• 12-дугаар сарын 13-16: Эхний тэмцээн
• 1-дүгээр сарын 17-20: Хоёр дахь тэмцээн
• 2-дугаар сарын  21-24: Гурав дахь тэмцээн
• 3-дугаар сарын 27-30: US Open 
• May 21-30: Олон улсын тэмцээний бэлтгэл 
• Jul 19-26: IOI 2020 in Singapore

Тэмцээн ер нь бол тухайн сарын аль нэг долоо хоногийн 5дахь, хагас сайн, бүтэн сайн өдрүүдийн турш болдог. Манай цагаар 5дахь өдрийн оройноос бүтэн сайны шөнө хүртэл үргэлжлэнэ.

Та зарлагдсан дээрх өдрүүдэд дуртай цагтаа тэмцээндээ оролцож, эхэлсэн бол, 5-н цагийн турш хугацаанд бодлогоо бодож илгээнэ. Уг тэмцээн нь дараах 4-н түвшинтэй

• Bronze - Анхан суралцагчид ба эрэмбэлэх, хоёртын хайлт зэрэгийн мэдэгдэхүүнтэй
• Silver - Өгөгдөлийн бүтэц үзэж эхэлсэн, рекурс, greedy алгоритмууд эзэмшиж байгаа
• Gold - Ихэнх стандарт алгоритмууд бичиж, бодож үзсэн, ахисан түвшний өгөгдлийн бүтэц ашиглаж сурсан
• Platinum - Маш олон тооны бодлого бодсон, мэргэжлийн шахуу. Илүү чадвар, алгоритм шаардсан бодлогууд

Уг тэмцээнд анх оролцож байгаа бүх оролцогчид Bronze-оос эхэлнэ. Тэмцээн үргэлжилж байх өдрүүдэд тухайн түвшингийн бодлогуудаа маш сайн бодвол автоматаар түвшин ахин дараагийн түвшингийн тэмцээндээ оролцох эрхтэй болно. Эсвэл тэмцээн бүр дуусахыг хүлээж нэгдсэн дүн гарсаны дараа өөрийн ранкаа харж мөн дараагийн тэмцээнд аль түвшнөөс оролцохоо мэднэ.

Тэмцээнд орохдоо доорх хаягаар ороод бүртгүүлнэ шүү. Мөн Contests гэж ороод өмнөх тэмцээнүүдийн бодлогыг бодож болно.

http://www.usaco.org/

Уг тэмцээний бодлогын өгүүлбэрүүд эрх бүхий гишүүдэд тэмцээн албан ёсоор эхлэхээс хэдхэн цагийн өмнө илгээгддэг. Тэгэхээр би өгүүлбэрүүдийг бүгдийг нь орчуулах гэж бас удах байх, тэр хооронд англи хэлээр бодлогоо уншиж байж болно. Эсвэл намайг орчуулж дуустал тэмцээнээ эхлэлгүй хүлээж болох юм. Тэмцээн эхэлсэн 3-н хоногийн турш дуртай үедээ эхлээд 5-н цаг бодолт хийх учраас.

Би энэ блог дээрээ орчуулга дууссан гэж мэдэгднээ. Үг үсгийн алдаа их гаргаж байх шиг байна, уучлаарай. 

Амжил хүсье

Dijkstra optimization

Dijsktra хамгийн богино зам олох алгоритмын хувьд доорх кодны 32 болон 33 мөр дахь код яагаад алгоритмыг илүү хурдан болгож байгаа вэ? Мөн батална уу, эхнийх нь ойлгомжтой л байх, нөгөөх нь ч уг нь бас ойлгомжтой, гэхдээ өдий хүртэл анзаараагүй байжээ

https://codeforces.com/problemset/problem/20/C

Програмчлалын үндэс, програмчлалын олимпиадын сургалт

Энэ өдрийн мэндийг хүргэе

Юуны өмнө мэдээлэл зүйн олон улсын олимпиадад амжилттай оролцсон монголыхоо баг тамирчидад баяр хүргэе. Тусгайлан, монголын анхны мөнгөн медал, монголын 4 дахь медалийг авчирсан Нямдаваадаа бодлого бодож гоо сайхны таашаал авдаг олон олон анд нөхөд, ах дүүсийх нь өмнөөс халуун баяр хүргэе. Мөн миний мэдэхээр сүүлийн хоёр жил ёстой л сэтгэлээрээ зүтгэсэн дүү Э.Баттулгадаа баяр хүргэе.

За тэгэхээр олон жилийн турш бодож, зарим тохиолдолд мөрөөдөж явсан нэг ажлаа үр дүн гартал нь хийе гэж шийдээд цаг зав, ажлаа зохицуулаад энэ 9-н сараас програмчлал болоод програмчлалын олимпиадад хүүхдүүд бэлдэж, төлбөртэй сургалт явуулж эхлэхээр шийдлээ.

Сонирхвол доорх линк дээр дарж бүртгүүлнэ үү. Бид өөрсдөө холбогдож мөн эцэг эхүүдтэй нэгдсэн уулзалт ярилцлага, танилцах өдөрлөг хийж хүүхдүүдээ авна аа.

Бүртгүүлэх

Хичээлийн хувьд 7 хоногт 3-н удаа хичээллэнэ, 2 нь долоо хоногийн эхний 5-н өдөр 2, 2 цагийн хугацаатай, мөн амралтын 2 өдрийн аль нэг өдөр нь лаб маягаар явна. Мөн бие дааж хийх ажил өгч онлайнаар шалгаад, холбогдоод хүүхдүүдээ байнга халамжлаад явна. Сургалтанд хамрагдах хүүхдийн насны хязгаарын хувь 7-аар ангиас дээш байхад болно.

Сургалт болоод уг ажлын хүрээнд сар бүр онлайнаар нээлттэй тэмцээн зохион байгуулна, уг нээлттэй тэмцээнд бүх хүн онлайнаар оролцох боломжтой байна, мөн бяцхан шагналтай. Мөн USACO буюу америкийн нээлттэй сар бүр болдог тэмцээний монгол хэлний орчуулах эрхийг авсан байгаа ба ирэх USACO тэмцээн бүр монгол хэл дээр бодлогууд нь явагдах болно.

Хичээл болох газар: Ямар ч байсан Хан-Уул дүүрэгт, эцэг эх болоод хүүхдүүд очиход хамгийн амар мөн аюулгүй газарыг сонгохоор хэд хэдэн газартай ярилцаж байна.
Багш: Удирдах багш би өөрөө (Баасанбат), 2 туслах багшийн хамт. Багш нарын хувьд чадвар болоод туршлагын хувьд маш сайн гэхдээ бид илүүтэйгээр заах арга барил, хүүхдүүдтэй харилцах тал дээр илүү өөрсөддөө шүүмжлэлтэй хандаж, хичээх болно.

Уг ажил, урт хугацааны сургалтын маань зорилго нь хүүхдүүдийг багаас нь програм хангамж, компьютерийн шинжлэх ухааны мөн чанар, цаашид хөгжих сонирхол мөн чиглэлийг зааж өгөх. Мөн олон улсын мэдээлэл зүйн олимпиадаас алтан медал авах юм.

Тун удахгүй сургалтын талаар илүү дэлгэрэнгүй, тодорхой мэдээлэл, пост хүргэе. Тэр хооронд цааш нь түгээж мөн сонирхсон хүүхдүүд бүртгүүлж байна уу. Баярлалаа.

#ХамтдааХөгжие

-Баасанбат